لغمان؛ قرغیو ولسوالۍ کې د ۲۴ لوبډلو ترمنځ د والیبال سیالۍ پای ته ورسېدې
د لغمان ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت په قرغیو ولسوالۍ کې د ۲۴ لوبډلو ترمنځ د والیبال سیالۍ د چهار باغ لوبډلې په اتلولۍ پای ته ورسېدې.
په دغو سیالیو کې له لغمان، میدان وردګ او کاپیسا ولایتونو څخه ۲۴ لوبډلو ګډون کړی وو، چې په پایلوبه کې یې چهار باغ منتخبې لوبډلې د ۱/۳ میدانونو په توپیر خپلې سیالې حاجي جاوید لوبډلې ته ماتې ورکړه او د سیالیو اتلولي یې وګټله.
دا سیالۍ ورزش ته د ودې ورکولو او د ځوانانو ترمنځ د یووالي په موخه ترسره شوې، چې ۱۲ ورځې یې دوام وکړ.
