لغمان؛ الينگار ولسوالۍ کې د واليبال سيالۍ پيل شوې
د لغمان ولايت د بدني روزنې او ورزش آمريت په همغږۍ، د واليبال فدراسيون د استازولۍ له لوري د الينگار ولسوالۍ په ادهار کلي کې د ۲۴ لوبډلو ترمنځ د واليبال سيالۍ پيل شوې.
د يادو سياليو په پيليزه لوبه کې ادهار منتخبې لوبډلې خپلې سيالې وت جبارخېل لوبډلې ته د ۲ پر صفر ميدانونو په توپير ماتې ورکړه او بريا يې په خپل نوم کړه.
دا سيالۍ لوبغاړو لپاره د سالمې تفريح او روزنې برابرولو موخه ترسره کېږي، چې شاوخوا ۱۴ ورځې به دوام وکړي.
