لغمان؛ الينگار ولسوالۍ د ۲۴ لوبډلو ترمنځ د واليبال سيالۍ پيل شوې
د لغمان ولایت د بدني روزنې او ورزش امريت اړوند د واليبال فدراسيون د استازولۍ له لوري د الينگار ولسوالۍ په الاجيگرو سيمه کې د ۲۴ لوبډلو ترمنځ د واليبال سيالۍ د کندي رجه يي لوبډلې په بريا پيل شوې.
د يادو سياليو په لومړنۍ لوبه کې کندي رجه يي لوبډلې سيالې غونډي لوبډلې ته د ۰/۲ ميدانونو په توپير ماتې ورکړه او بريا يې په خپل نوم کړه.
دغه سيالۍ، چې شاوخوا دوې اوونۍ به دوام وکړي، د ترسراوي موخه يې د ورزشکارانو مسلکي کېدل او د نشه يي توکو پر وړاندې مبارزه ياده شوې ده.
