فاریاب کې د کونګفو ورزشي نندارې ترسره شوې
د فاریاب ولایت د بدني روزنې او ورزش آمریت اړوند د کونګفو فدراسیون د استازولي له لوري د یاد ولایت د ښاروالۍ په پارک کې د ۳۰ ورزش کارانو ترمنځ د یادې ورزشي برخې نندارې ترسره شوې.
په دغو نندارو کې د ورزش کارانو د هڅونې لپاره پر ورزشي مسؤولانو سربېره د کونګفو فدراسیون د استازولي غړو، ځوانانو او د ورزش ګڼو مینوالو ګډون کړی و.
دغه نمایشونه په هېواد کې د لوی اختر د نمانځلو په مناسبت ترسره شول او په پای کې ورزش کارانو او روزونکو ته چمتو شوې ډالۍ ورکړل شوې.
