غور؛ چهارسده ولسوالۍ کې د ۱۶ لوبډلو ترمنځ د فوټبال لومړی درجه لیګ پای ته ورسېده
د غور ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په چهار سده ولسوالۍ کې د ۱۶ لوبډلو ترمنځ د فوټبال لومړی درجه لیګ پای ته ورسېده.
د دغو سیالیو په پایلوبه کې سبزپوشان لوبډلې خپلې سیالې امید بادقل لوبډلې ته د ۱/۰ ګول په توپير ماتې ورکړه او اتلولي یې خپله کړه.
د یادو سیالیو موخه د فوټبال لوبو ته وده ورکول او د خلکو ترمنځ یووالی رامنځته کول و، چې ۴۵ ورځې یې دوام وکړ.
د سیالیو په پای کې د غور ورزشي امریت له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
