غور؛ په فيروز کوه ښار کې د ٢٠ ورزشکارانو ترمنځ د سنوکر او بليارد درېيم پړاو ګروپي سيالۍ پيل شوې
د غور ولايت بدني روزنې او ورزش امريت په همغږۍ د سنوکر فدراسيون د ځایي استازولۍ له لوري د ٢٠ ورزشکارانو ترمنځ د فيروز کوه ښار په کينګ سنوکر کلب کې د سنوکر او بليارد درېيم پړاو سيالۍ پيل شوې.
په دغو سياليو کې چې ٢٠ ورزشکاران په څلورو پنځه کسيزو ګروپونو کې سره لوبيږي، د پيل په مراسمو کې يې د غور ولايت د بدني روزنې او ورزش امريت او سنوکر فدراسيون مسوولینو، روزونکو او د دې رشتې ورزشکارانو شتون درلود.
د دغو سياليو د پيل په لوبه کې شېرعلي او اميرخان سره و لوبېدل، چې امير د ٢-٠ په تفاوت شېرعلي ته ماتي ورکړه او د ميدان ګټونکى شو.
د يادو سياليو موخه د غور ولايت د سنوکر منتخبې لوبډلې ته د غوره لوبغاړو ټاکل دي.
