غور؛ پسابند ولسوالۍ کې د شپږو لوبډلو ترمنځ د فوټبال سیالۍ پيل شوې
د غور ولایت د بدني روزنې او ورزش امریت اړوند د فوټبال ملي فدرارسیون د استازولۍ له لوري د یاد ولایت په پسابند ولسوالۍ کې د شپږو لوبډلو ترمنځ د فوټبال سیالۍ پيل شوې.
د دغو سیالیو په لومړۍ لوبه کې د شاهین لوبډلې خپلې سیالې توپان لوبډلې ته د ۲/۰ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوټبال ورزش ته وده ورکول او د ځوانانو ترمنځ یووالی رامنځته کول دي، چې پنځلس ورځې به دوام وکړي.
