غور؛ مرکز فیروز کوه کې د څلورو لوبډلو ترمنځ د هنډ بال سیالۍ پای ته ورسېدې
د غور ولایت د بدني روزنې او ورزش امریت اړوند د هنډ بال ملي فدراسیون د استازولۍ له لوري د یاد ولایت په مرکز فیروز کوه کې د څلورو لوبډلو ترمنځ د هنډ بال سیالۍ د هریرود لوبډلې په اتلولۍ پای ته ورسېدې.
د دغو سیالیو په پایلوبه کې د هریرود لوبډلې خپلې سیالې باران لوبډلې ته ۱۵/۱۷
امتیازونو په توپير ماتې ورکړه او اتلولي یې خپله کړه.
د یادو سیالیو موخه د غوره ولایت هنډ بال منتخبې لوبډلې ته د غوره لوبغاړو موندل و، چې دوې ورځې یې دوام وکړ.
د سیالیو په پای کې غوره ورزشکارانو ته چمتو شوې ډالۍ ورکړل شوې.
