غور؛ ساغر ولسوالۍ کې د ۵۰ ورزشکارانو ترمنځ د غېږنیونې سیالۍ ترسره شوې
د غور ولایت د بدني روزنې او ورزش امریت په مرسته او د ملي او سیمه ییزو لوبو مدیریت له لوري د یاد ولایت په ساغر ولسوالۍ کې د ۵۰ ورزشکارانو ترمنځ د سیمه ییزې غېږنیونې سیالۍ ترسره شوې.
دغه سیالۍ د ۶۵ کیلو ګرام څخه تر ازاد وزن پورې ترسره شوې، چې په پایله کې محمد یوسف، حمید الله، عبدالکریم او محمد حسن په خپلو وزنونو کې لومړي مقامونه ترلاسه که کړل.
د یادو سیالیو موخه ورزش ته د ځوانانو هڅوول او وده ورکول و، چې یوه ورځ یې دوام وکړ.
د سیالیو په پای کې د غور ورزشي امریت له لوري غوره لوبغاړو ته د اتلولۍ حکمونه او ورزشي ډالۍ ورکړل شوې.
