غور؛ د فوتسال رمضان جام سيالۍ د طوفان لوبډلې په ګټه پاى ته ورسېدې

د غور سپورټ امريت په مرسته د فوټبال فدراسیون له لوري د فوتسال رمضان جام سيالۍ چې د ٨ لوبډلو ترمنځ په دوو څلور ټيمي ګروپونو کې د شهاب سکليت په مال لګښت ترسره شوې د طوفان لوبډلې په اتلولي پاى ته ورسېدې.

په دغو سياليو کې استقلال او صداقت لوبډلو دويم او درېيم مقامونه وګټل، همداراز عبدالظاهر د ٢٠ ګولو په وهلو سره د غوره ګول وهونکي، فضل احمد د غوره لوبغاړي او محمد رجا د غوره ګول ساتونکي جايزې ترلاسه کړې.

په پاى کې لومړي، دويم او درېيم مقام ګټونکو لوبډلو ته کپ، مډالونه، جامې او جمپر برزو ورکړل شول.