غور؛ تیوره ولسوالۍ کې د ۱۱ لوبډلو ترمنځ د والیبال سیالۍ پيل شوې
د غور ولایت د بدني رزنې او ورزش امریت اړوند د والیبال ملي فدراسیون د استازولۍ له لوري د یاد ولایت په تیوره ولسوالۍ کې د ۱۱ لوبډلو ترمنځ د والیبال حذفي سیالۍ پيل شوې.
د دغو سیالیو په لومړۍ لوبه کې د ساحق لوبډلې خپلې سیالې وحدت لوبډلې ته د ۳/۰ میدانونو په توپیر ماتې ورکړه او لومړۍ بریا یې خپله کړه.
د یادو سیالیو موخه د ځوانانو ترمنځ یووالی رامنځته کول دي، چې درې ورځې به دوام وکړي.
