غور؛ تیوره ولسوالۍ کې د شپږو لوبډلو ترمنځ د فوټبال سیالۍ پای ته ورسېدې
د غور ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په تیوره ولسوالۍ کې د شپږو لوبډلو ترمنځ د فوټبال سیالۍ د میوند لوبډلې په اتلولۍ پای ته ورسېدې.
د دغو سیالیو په پایلوبه کې میوند لوبډلې خپلې سیالې خراسان لوبډلې ته د ۷/۴ ګولونو په توپير ماتې ورکړه او اتلولي یې خپله کړه.
د یادو سیالیو موخه د ځوانانو ترمنځ یووالی رامنځته کول و، چې دوې اوونۍ یې دوام وکړ.
د سیالیو په پای کې د ورزش مسوولینو له لوري غوره لوبډلې ته چمتو شوې ډالۍ ورکړل شوې.
