غور؛ مرکز فیروز کوه کې د اتو لوبډلو ترمنځ د ۱۶ کلنو فوټسال سیالۍ پای ته ورسېدې
د غور ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په مرکز کې د اتو لوبډلو ترمنځ د فوټسال سیالۍ، چې لس ورځې وړاندې پیل شوې وې د سرخ پوشان فامیلیو لوبډلې په اتلولۍ پای ته ورسېدې.
د دغو سیالیو په پایلوبه کې د سرخ پوشان فامیلیو لوبډلې خپلې سیالې اټک لوبډلې ته د ۳/۲ ګولونو په توپير ماتې ورکړه او اتلولي یې خپله کړه.
په دغو سیالیو کې له اټک لوبډلې میراقا د زیاتو ګولونو وهونکی او له سرخ پوشان لوبډلې کماالدین غوره ګول ساتونکی وپېژندل شو.
د یادو سیالیو موخه د فوټبال ورزش ته وده ورکول و.
د سیالیو په پای کې غوره لوبډلې ته کپ، مډالونه او چمتو شوې ډالۍ ورکړل شوې.
