غزني کې د ۶۰ ورزشکارانو ترمنځ د ځغاستې ټاکنیزې سیالۍ ترسره شوې
د غزني ولایت د بدني روزنې او ورزش امریت اړوند د اتلتیک ملي فدراسیون د استازولۍ له لوري په یاد ولایت کې د ۶۰ ورزشکارانو ترمنځ په ۱۵۰۰ متري واټن کې د ځغاستې سیالۍ ترسره شوې.
د دغو سیالیو په پایله کې فدا محمد لومړی، فرید احمد دویم او معشوق الله بیا درېیم مقام خپل کړ.
د یادو سیالیو موخه د غزني ولایت د ځغاستې منتخبې لوبډلې ته د غوره ورشکارانو موندل و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
