غزني کې د ۲۴ لوبډلو ترمنځ د فوټسال رمضان جام سیالۍ پای ته ورسېدې
د غزني ولایت د بدني روزنې او ورزش امریت په همکارۍ او د اولیا ښار جمنازیوم د مسوول له لوري په یاد ولایت کې د ۲۴ لوبډلو ترمنځ د فوټسال رمضان جام سیالۍ د یاران فرید لوبډلې په اتلولۍ پای ته ورسېدې.
د دغو سیالیو په پایلوبه کې یاران فرید لوبډلې خپلې سیالې صداقت قلعه نو لوبډلې ته د ۲/۰ ګولونو په توپير ماتې ورکړه او اتلولي یې خپله کړه.
د یادو سیالیو موخه د روژې مبارکې میاشتې نمانځل و، چې یوه میاشت یې دوام وکړ.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
