غزني کې د ۱۶ لوبډلو ترمنځ د فوټبال سیالۍ د پيروزي رامک لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په ده یک ولسوالۍ کې د فوټبال حذفي سیالۍ، چې یوه نیمه میاشت مخکې پیل شوې وې د پيروزي رامک لوبډلې په اتلولۍ پای ته ورسېدې.
د دغو سیالیو په پایلوبه کې پيروزي رامک لوبډلې خپلې سیالې امام سید حاجي رامک لوبډلې ته د ۲/۰ ګولونو په توپیر ماتې ورکړه او اتلولي یې خپله کړه.
د یادو سیالیو موخه د ورزشکارانو ترمنځ یووالی رامنځته کول او له نشه یي توکو څخه د ځوانانو لېري والی و؛ د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
