غزني کې د ۱۲۲ ورزشکارانو ترمنځ د بوکسينګ سيالۍ ترسره شوې
د غزني ولايت د بدني روزنې او ورزش امريت اړوند د بوکسينګ ملي فدراسيون د استازولۍ له لوري په ياد ولايت کې د ۱۲۲ ورزشکارانو ترمنځ د تنکيو ځوانانو، نويو ځوانانو، ځوانانو او د لويانو ورزشکارانو په عمري کټګوريو کې د بوکسينګ سيالۍ ترسره شوې، چې يوه ورځ يې دوام وکړ.
دغه سيالۍ، چې د تک فايټ په ډول ترسره شوې، په پايله کې ۶۱ ورزشکارانو خپلو سيالانو ته په ماتې ورکولو سره برياوې او لومړي مقامونه خپل کړل.
د يادو سياليو موخه د بوکسينګ ورزش ته د ځوانانو هڅول او وده ورکول و.
