غزني کې د شپږو لوبډلو ترمنځ د فوټسال سیالۍ پیل شوې
د غزني ولایت د بدني روزنې او ورزش آمریت اړوند د فوټبال د استازولۍ له لوري او د HYOD مؤسسې په مالي مرسته د یاد ولایت د اسلامي ثقافت ورزشي جمنازیوم کې د شپږو لوبډلو ترمنځ د فوټسال سیالۍ پیل شوې.
د دغو سیالیو بایلوبه د نوآباد ستورو او خراسان لوبډلو ترمنځ ترسره شوه، چې په پایله کې یې خراسان لوبډلې د ٧/١ ګول په توپیر خپلې سیالې لوبډلې ته ماتې ورکړه او د سیالیو لومړۍ لوبه یې وګټله.
دا سیالۍ فوټسال ته د ودې او له نشه يي توکو د ځوانانو د لرې والي په موخه پیل شوي دي، چې درې ورځې به دوام وکړي.
