غزني کې د اتو لوبډلو ترمنځ د فوټسال الف لیګ اتلولي د طلوع لوبډلې خپله کړه
د غزني ولایت د ورزش امریت اړوند د فوټبال فدراسیون د استازولۍ له لوري د یاد ولایت مرکز په اسلامي ثقافت جمنازیوم کې د اتو لوبډلو ترمنځ د فوتسال الف لیګ، چې دوې میاشتې وړاندې پیل شوې وې د طلوع لوبډلې په اتلولۍ پای ته ورسېدې.
دغه سیالي چې د لیګ په ډول ترسره شوې په پایله کې طلوع لوبډلې لومړی او ستاره ګان لوبډلې دویم مقام ترلاسه کړ.
د یادو سیالیو موخه د غزني غوره لیګ ته د دوو لوبډلو لار موندل و.
د سیالیو په پای کې د غزني ورزش امریت له لوري غوره لوبډلې ته د اتلولۍ جام او غوره لوبغاړو ته چمتو شوې جایزې ورکړل شوې.
