غزني مرکز کې د شپږو لوبډلو ترمنځ د فوټسال سیالۍ پيل شوې
د غزني ولایت د بدني روزنې او ورزش امریت په همکارۍ، د فوټبال ملي فدراسیون د استازولۍ له لوري او د YHDO موسېسې په مالي ملاتړ د یاد ولایت په اولیا ورزشي جمنازیوم کې د شپږو لوبډلو ترمنځ د فوټسال سیالۍ پيل شوې.
د دغو سیالیو په لومړۍ لوبه کې هفت ستاره لوبډلې خپلې سیالې قهرمان لوبډلې ته د ۳/۱ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه له نشه یي توکو څخه د ځوانانو لېري والی دی، چې درې ورځې به دوام وکړي.
