غزني؛ ګیلان ولسوالۍ کې د فوټبال ژمنۍ سیالۍ پیل شوې
د غزني ولایت د بدني روزنې او ورزش آمریت له لوري د یاد ولایت د ګیلان ولسوالۍ له ټولو کلیو څخه د لس لوبډلو ترمنځ د حضرت شاه بازار په ورزشي لوبغالي کې د فوټبال ژمنۍ سیالۍ پیل شوې.
د سیالیو په لومړۍ لوبه کې بازار اتلان لوبډلې د ۳/۱ ګولونو په توپیر بهبود قله لوبډلې ته ماتې ورکړه او لومړۍ بریا یې خپله کړه.
دغه سیالۍ چې د ورزش کارانو ترمنځ د یووالي، همدردي او تشویق او له نشه يي توکو څخه د لرې والي په موخه پیل شوي، ۱۷ ورځې به دوام وکړي.
