غزني؛ ګیرو ولسوالۍ کې د ۶۴ نېزه وهونکو ترمنځ د نېزه وهلو سیالۍ ترسره شوې
د غزني ولایت د بدني روزنې او ورزش امریت اړوند د نېزه وهلو او د اس ځغلونې ملي فدراسیون د استازولۍ له لوري د یاد ولایت د ګیرو ولسوالۍ په مټاخان کلي کې د ۱۶ لوبډلو(۶۴) نېزه وهونکو ترمنځ د نېزه وهلو سیالۍ ترسره شوې.
د دغو سیالیو په پایله کې محمد انور اندړ لوبډلې د ۵۲ امتیازونو په ترلاسه کولو لومړی، رحمت الله لوبډلې د ۴۸ امتیازونو په ترلاسه کولو دویم او محمد عثمان وفادار لوبډلې بیا د ۳۸ امتیازونو په ترلاسه کولو سره درېیم مقام خپل کړ.
د یادو سیالیو موخه دودیزو لوبو ته وده ورکول و، چې یوه ورځ یې دوام وکړ.
د سیالیو په پای کې غوره لوبډلې ته مډالونه او د اتلولۍ حکمونه ورکړل شول.
