غزني؛ ګیرو ولسوالۍ کې د ۱۷ لوبډلو ترمنځ د والیبال سیالۍ پيل شوې
د غزني ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت د ګیرو ولسوالۍ په حسن کلي ورزشي لوبغالي کې د ۱۷ لوبډلو ترمنځ د والیبال سیالۍ د مټاخان لوبډلې په بریا پيل شوې.
دغه سیالۍ، چې دوې اوونۍ به دوام وکړي په لومړۍ لوبه کې د مټاخان لوبډلې خپلې سیالې بدیوال برات لوبډلې ته د ۳/۱ میدانونو په توپير ماتې ورکړه او بریا یې خپله کړه.
د یادو سیالیو موخه والیبال ورزش ته د ځوانانو هڅوول او د نېکمرغه لوی اختر نمانځل دي.
