غزني؛ ګیرو ولسوالۍ کې د اتو لوبډلو ترمنځ د نېزه وهنې سیالۍ وشوې
د غزني ولایت د بدني روزنې او ورزش امریت اړوند د وزلوبې، نېزه وهنې او دودیزو لوبو ملي فدراسیون د استازولۍ له لوري د یاد ولایت په ګیرو ولسوالۍ کې د اتو لوبډلو ترمنځ د نېزه وهنې سیالۍ وشوې، چې یوه ورځ یې دوام وکړ.
د دغو سیالیو په پایله کې پکتیکا لوبډلې د زیاتو امتیازونو په ترلاسه کولو سره لومړی، میست لوبډلې دویم او حاجي محمد عثمان لوبډلې درېیم مقام خپل کړ.
د یادو سیالیو موخه د ګیرو ولسوالۍ ورزشکارانو ترمنځ یووالی رامنځته کول و، د سیالیو په پای کې غوره ورزشکارانو ته چمتو شوې ډالۍ ورکړل شوې.
