غزني؛ په جاغوري ولسوالۍ کې د تکواندو د WT سیالۍ وشوې
د غرني ولایت په جاغوري ولسوالۍ کې د غزني د مرکز او یادې ولسوالۍ پر ورزشکارانو سربېره د کابل او هرات د ۶۰ ورزشکارانو ترمنځ د تکواندو فدراسیون او غزني ولایت د ورزشي آمریت تر نظر لاندې د تکواندو WT سیالۍ ترسره شوې.
په دې سیالیو کې د کابل کلب لومړی، د جاغوري ولسوالۍ کلب دویم او د غزني ولایت د مرکز کلب درېيم مقام خپل کړ.
د یادو سیاليو په مراسمو کې د غزني ولایت ورزشي آمر حاجي بلال مجاهد او تکواندو فدراسیون مسؤلینو هم ګډون کړی و.
یاده دې وي، چې د دې سیالیو په پای کې ګډون کوونکو ورزشکارنو او روزونکو ته مډالونه او کپونه او سپورټي سامان الات هم ورکړل شول.
