غزني؛ ناوه ولسوالۍ کې د ۱۲ لوبډلو ترمنځ د والیبال سیالۍ د قلعه خان لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د والیبال فدراسیون د استازولۍ له لوري د ناوې ولسوالۍ په ورزشي لوبغالي کې د ۱۲ لوبډلو ترمنځ د والیبال سیالۍ د قلعه خان لوبډلې په اتلولۍ پای ته ورسېدې.
د دغو سیالیو په پایلوبه کې قعله خان لوبډلې خپلې سیالې مټاخېل لوبډلې ته د ۳/۲ میدانونو په توپیر ماتې ورکړه او اتلولي یې خپله کړه.
د یادو سیالیو موخه والیبال ورزش ته د ځوانانو هڅوول و.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته چمتو شوي مډالونه او ستاینلیکونه ورکړل شوه.
