غزني؛ مرکز کې د ۱۳۴ ورزشکارانو ترمنځ د بوکسنګ ټاکنیزې سیالۍ ترسره شوې
د غزني ولایت د بدني روزنې او ورزش امریت اړوند د بوکسنګ ملي فدراسیون د استازولۍ له لوري د یاد ولایت په مرکز کې د ۱۳۴ ورزشکارانو ترمنځ د نویو ځوانانو، ځوانانو او د لویو ورزشکارانو په عمري کټګوریو کې د بوکسنګ ټاکنیزې سیالۍ ترسره شوې.
د دغو سیالیو په پایله کې ۱۳ ورزشکارانو خپلو سیالانو ته په ماتې ورکولو سره لومړي مقامونه ترلاسه کړل او د غزني ولایت د بوکسنګ منتخبې لوبډلې ته وټاکل شول.
د یادو سیالیو موخه د غزني ولایت منتخبې لوبډلې ته د غوره لوبغاړو موندل و، چې یو ورځ یې دوام وکړ.
د سیالیو په پای کې د ورزش مسوولینو له لوري ټاکل شوو ورزشکارانو ته چمتو شوې ډالۍ ورکړل شوې.
