غزني؛ شهید پرور مهمند لوبډلې د جغتو ولسوالۍ د فوټبال سیالیو اتلولي وګټله
د غزني د جغتو ولسوالۍ اړونډ د جرمټو کلي په ورزشي ډګر کې د بدني روزنې او سپورت امریت له لوري د جغتو او سراب کليو د ۱۲ لوبډلو ترمنځ د اختر په مناسبت پیل شوې د فوټبال سيالۍ چې شپږ ورځې وړاندې پيل شوې وې، د شهید پرور مهمند لوبډلې په اتلولۍ پای ته ورسېدې
.
د دې سیالیو په پای لوبه کې د شهید پرور مهمند لوبډلې د رمزي لوبډلې پر وړاندې ۱-۱ مساوي لوبه وکړه، چې وروسته بیا په پنالټي کې د ۵-۴ په توپير د شهید پرور مهمند لوبډلې په اتلولۍ پای ته ورسېده او رمزي لوبډلې دویم مقام خپل کړ.
په ورته وخت کې علل سینا د غوره لوبغاړي، مرتضی د غوره ګول ساتونکي او زمان سلطاني د سیالیو د غوره لوبغاړي لقب ترلاسه کړ.
