غزني؛ زنجان ولسوالۍ کې د ۱۲ لوبډلو ترمنځ د ټېپ بال کرکټ سيالۍ پيل شوې
د غزني ولايت د بدني روزنې او ورزش امريت په همغږۍ د زنجان ولسوالۍ په بازار ورزشي لوبغالي کې د ۱۲ لوبډلو ترمنځ د ټېپ بال کرکټ سيالۍ پيل شوې.
د يادو سياليو لومړۍ لوبه د مست خېلو زلميانو او گوډلو زلميو لوبډلو ترمنځ ترسره شوه، چې په پايله کې مست خېلو زلميانو لوبډلې په ټاکلو ۱۶ اورونو کې سيالې لوبډلې ته د ۱۰۷ منډو هدف کېښود، گوډلو زلميو لوبډلې ياد هدف تر لاسه نه کړ او د ۴۲ منډو په توپير يې ماته ومنله.
د دغو سياليو د ترسره کېدو موخه ورزش ته د ځوانانو هڅول او ترمنځ یې يووالی ښودل شوی، چې ۱۶ ورځې به دوام وکړي.
