غزني؛ د ۱۶ لوبډلو ترمنځ د فوټبال سیالۍ د ګدول رعیت په بریا پای ته ورسېدې
د غزني ولایت د بدني روزنې امریت له لوري د ګدول رعیت اتحادیې په نوم د ۱۶ لوبډلو ترمنځ یوه میاشت وړاندې د فوټبال سیالۍ پیل شوې وې، چې د ګدول رعیت لوبډلې په بریا سره پای ته ورسېدې.
د دې لوبلړۍ پایلوبه د ګدول رعیت او برادران قریه قلاتي ترمنځ ترسره شوه، چې په پایله کې ګدول رعیت لوبډلې د ۳/۱ ددې لوبو اتله او برادران قریه قلاتي نایبه ګټونکي لوبډله اعلان شوه.
ددې لوبو د ترسره کولو موخه د کلیو د ځوانانو ترمنځ د خواخوږي او یووالي رامنځته کول ښودل شوی، چې په د لوبلړۍ په پای کې د غزني ولایت د ورزشي ادارې ل لوري ګټونکو لوبډلو ته مډالونه، کپونه او ستاینلیکونه ورکړل شول.
