غزني؛ د لسو لوبډلو ترمنځ د هڅوونې جام په نوم د والیبال سیالۍ پیل شوې
د غزني ولایت د بدني روزنې او ورزش امریت له لوري یاد ولایت کې د لسو لوبډلو ترمنځ د هڅوونې جام په نوم د والیبال سیالۍ د سیداحمد لوبډلې په بریا پیل شوې.
د دغو سیالیو لومړۍ لوبه د سیداحمد او پنجه ګرګ لوبډلو ترمنځ ترسره شوه، چې په پایله کې سیداحمد لوبډلې خپلې سیالې لوبډلې ته د ۳/۲ ګولونو په توپیر ماتې ورکړه او سیالي یې خپله کړه.
د یادو سبالیو موخه ورزش ته د لوبغاړو هڅوول او د نشه یي توکو څخه د ځوانانو لرې والی ښودل شوی.
