غزني؛ خواجه عمري ولسوالۍ کې د ۱۶ لوبډلو ترمنځ د والیبال سیالۍ د فقیري لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په خواجه عمري ولسوالۍ کې د ۱۶ لوبډلو ترمنځ د والیبال سیالۍ، چې یوه میاشت مخکې پيل شوې وې د فقیري لوبډلې په اتلولۍ پای ته ورسېدې.
د دغو سیالیو په پایلوبه کې فقیري لوبډلې خپلې سیالۍ قریشي لوبډلې ته د ۳/۱ ګولونو په توپير ماتې ورکړه او اتلولي یې خپله کړه.
د یادو سیالیو موخه د ورزشکارانو ترمنځ یووالی رامنځته کول او د غوره لوبغاړو موندل و.
د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
