غزني؛ خواجه عمري ولسوالۍ کې د فوټسال اتم پړاو سیالۍ د نهه برجې لوبډلې په اتلولۍ پای ته ورسېدې
د غزني ولایت د بدني روزنې او رزش امریت له لوري د ۲۴ لوبډلو ترمنځ د فوټسال اتم پړاو سیالۍ، چې یوه میاشت وړاندې د یاد ولایت په خواجه عمري ولسوالۍ کې پیل شوې وې دنهه برجې لوبډلې په اتلولۍ پای ته ورسېدې.
د دغو سیالیو پایلوبه د نهه برجې او اتلان حمزه لوبډلو ترمنځ ترسره شوه، چې په پایله کې د نهه برجې لوبډلې خپلې سیالې لوبډلې ته د ۴/۱ ګولونو په توپیرماتې ورکړه او اتلولي یې خپله کړه.
د یادو سیالیو موخه د لوبغاړو ترمنځ یووالی، د غوره لوبغاړو پېژندل او د نوي ځوانانو او ځوانانو ورزش ته وده ورکول و.
د سیالیو په پای کې د ورزش مسوولینو له لوري غوره ورزشکارانو ته چمتو شوې ډالۍ ورکړل شوې.
