غزني؛ جاغوري ولسوالۍ کې د ځوانانو فوټسال سيالۍ د عقاب کوچک بابه لوبډلې په اتلولۍ پای ته ورسېدې
د غزني ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په جاغوري ولسوالۍ کې له ۱۸ کلنو کم عمره د ۲۰ لوبډلو ترمنځ د ځوانانو فوټسال سيالۍ د عقاب کوچک بابه لوبډلې په اتلولۍ پای ته ورسېدې.
د دغو سياليو په پايلوبه کې عقاب کوچک بابه لوبډلې خپلې سیالې ستارګان مرکز لوبډلې ته د ۵/۲ ګولونو په توپير ماتې ورکړه او اتلولي يې خپله کړه.
په دغو سياليو کې مشرف محمدي د زياتو ګولونو وهونکی، علي سينا شرافت غوره ګول ساتونکی او الياس سلطاني غوره لوبغاړی وپېژندل شو.
د يادو سياليو موخه د فوټسال ورزش ته وده ورکول او د ځوانانو ترمنځ يووالی رامنځته کول و، چې ۲۰ ورځې يې دوام وکړ.
د سياليو په پای کې غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
