غزني؛ باتور بازانو لوبډلې د گيرو ولسوالۍ د ټېب بال کرکټ سيالیو اتلولي وگټله
د غزني ولايت د بدني روزنې او سپورټ آمريت اړوند د ټېب بال فدراسيون د استازولۍ له لوري، د گيرو ولسوالۍ په باتور کلي کې د ۱۳ لوبډلو تر منځ د ټېب بال کرکټ سيالۍ د باتور بازانو لوبډلې په اتلولۍ پای ته ورسېدې.
د يادو سياليو پايلوبه د پارچی اتلانو او باتور بازانو لوبډلو تر منځ ترسره شوه، چې په پايله کې پارچی بازانو لوبډلې په ټاکلو ۱۲ اورونو کې خپلې سيالې لوبډلې ته ۷۱ منډې هدف کېښود، باتور بازانو لوبډلې ياد هدف ترلاسه کړ او د ۹ ویکټو په توپیر يې اتلولي خپله کړه.
دغه سيالۍ چې شاوخوا ۸ ورځې يې دوام وکړ، موخه يې د ځوانانو تر منځ يووالی او د نشه يي توکو پر وړاندې مبارزه ياد شوي دي.
په پای کې گټونکې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
