غزني؛ اندړو ولسوالۍ کې د ۱۰ لوبډلو ترمنځ د نېره وهلو سیالۍ ترسره شوې
د غزني ولایت د بدني روزنې او ورزش امریت اړوند د وزلوبې ملي فدراسیون د استازولۍ له لوري د یاد ولایت په اندړو ولسوالۍ کې د ۱۰ لوبډلو ترمنځ د نېره وهلو سیالۍ ترسره شوې.
د دغو سیالیو په پایله کې ش.ه.ید احمد خان لوبډلې د ۴۴ امتیازونو په ترلاسه کولو لومړی، فتح محمد شلګروال لوبډلې د ۲۰ امتیازونو په ترلاسه کولو دویم او د محمد انور اندړ لوبډلې د ۱۶ امتیازونو په ترلاسه کولو درېیم مقام ترلاسه کړ.
د یادو سیالیو موخه سیمه ییزو لوبو ته وده ورکول او د ورزشکارانو هڅوول و، چې یوه ورځ یې دوام وکړ.
د سیالیو په پای کې د غزني ورزشي امریت له لوري غوره لوبغاړو ته کپ، مډالونه او ستاینلیکونه ورکړل شول.
