شاهين محمد اغې لوبډلې د لوګر فريزبي سياليو اتلولي وګټله
په لوګر ولایت کې د فريزبي دغه سيالۍ چې څه موده وړاندې پيل شوې وې د شاهين محمد اغې لوبډلې په ګټه پاى ته ورسېدې.
د دغو سياليو په پایلوبه کې د محمد اغه شاهين او طوفان محمد اغه لوبډلې سره ولوبېدلې، چې شاهين محمد اغې لوبډلې خپل سيال ته د ١٤-٨ په توپیر ماتې ورکړه او د دې سياليو اتلولي يې خپله کړه.
د يادو سياليو په پاى کې کريم الله مظلوم يار د غوره لوبغاړي په توګه وټاکل شو.
په پاى کې ګټونکې لوبډلې او غوره ورزشکارانو ته د مسوولینو له لوري جايزې هم ورکړل شوې.
