سمنگان کې د فوټسال ژمنۍ سیالۍ د خورشید لوبډلې په اتلولۍ پای ته ورسېدې
د سمنګان ولایت د بدني روزنې او ورزش امریت له لوري د ۲۴ لوبډلو ترمنځ د فوټسال ژمنۍ سیالۍ، چې دوې میاشتې وړاندې یاد ولایت کې پیل شوې وې د خورشید لوبډلې په اتلولۍ پای ته ورسېدې.
د دغو سیالیو پایلوبه د خورشید او ظفر لوبډلو ترمنځ ترسره شوه، چې په پایله کې خورشید لوبډلې د زیاتو امتیازونو په ترلاسه کولو سره د یادو سیالیو اتلولي خپله کړه.
د یادو سیالیو موخه د فوټسال ورزش وده ورکول، غوره لوبغاړو موندل او له نشه یي توکو څخه د ځوانانو لرې والی و.
