سمنگان؛ فيروز نخچير ولسوالۍ کې د شپږو لوبډلو ترمنځ د فوټبال سيالۍ پای ته ورسېدې
د سمنگان ولايت د بدني روزنې او سپورټ آمريت اړوند د فوټبال فدراسیون د استازولۍ له لوري د فيروز نخچير ولسوالۍ په ورزشي لوبغالي کې د شپږو لوبډلو ترمنځ د فوټبال سيالۍ د ځوانانو مرکزي لېسې لوبډلې په اتلولۍ پای ته ورسېدې.
د يادو سياليو پايلوبه د ځوانانو مرکزي لېسې او فيروز نخچير اتحاد لوبډلو ترمنځ ترسره شوه، چې په ټاکلي وخت سيالي مساوي پای ته ورسېده؛ خو په اضافي وخت کې ځوانانو مرکزي لېسې لوبډلې خپلې سيالې لوبډلې ته د ۰/۱ گولونو په توپير ماتې ورکړه او اتلولي يې خپله کړه.
د دغو سياليو موخه ورزش ته د ځوانانو هڅول ياد شوي و او په پای کې گټونکې لوبډلې ته د اتلولۍ جام او غوره لوبغاړو ته بېلابېلې چمتو شوې ډالۍ ورکړل شوې.
