سمنګان؛ فیروز نخچیر ولسوالۍ کې د ژمني جام په نوم د فوټبال سیالۍ پای ته ورسېدې
د سمنګان ولایت د بدني روزنې او ورزش آمریت له لوري په فیروز نخچیر ولسوالۍ کې د ژمني جام په نوم د فوټبال سیالۍ، چې یوه میاشت مخکې پیل شوې وې، د عقاب تولګچي لوبډلې په بریا پای ته ورسېدې.
د یادو سیالیو پایلوبه د عقاب تولګچي او قوش محله لوبډلو ترمنځ ترسره شوه، چې په پایله کې عقاب تولګچي لوبډلې د ۲/۰ ګولونو په توپیر سیالې لوبډلې ته ماتې ورکړه او بریا یې خپله کړه.
د دغو سیالیو موخه ورزش ته د ځوانانو هڅول او د یاد ولایت د فوټبال لوبډلو ترمنځ سالم رقابت ښودل شوی دی.
