سمنګان؛ حضرت سلطان ولسوالۍ کې د کورش سيالۍ پاى ته ورسيدې
د سمنګان ولایت د بدني روزنې او.ورزش آمریت او کورش فدراسیون د استازولۍ له لوري د یاد ولایت د حضرت سلطان ولسوالۍ په بيک محمد فاروق کلي کې د ۶۰ کورشکارانو ترمنځ ترسره شوې.
په یادو سياليو کې د دره صوف پايان، حضرت سلطان، دره صوف بالا، فيروز او نخچير ولسواليو ورزشکارانو له ٥٠ څخه تر ١٠٠ کيلو ګرامه وزن په پورته کولو کې ګډون کړی و.
د دې سیالیو په مناسبت په جوړو شویو مراسمو کې د ورزش مسوولانو، ځايي چارواکو، مشرانو او ځوانانو برخه اخيستې وه.
د دغو سیالیو موخه ورزش ته د ځوانانو هڅول او د خلکو ترمنځ د یووالي رامنځته کول ښودل شوي.
