سرپل کې د ۱۱ لوبډلو ترمنځ د والیبال سیالۍ د استقلال ښاروالۍ لوبډلې په اتلولۍ پای ته ورسېدې
د سرپل ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په مرکز کې د ۱۱ لوبډلو ترمنځ د والیبال سیالۍ د استقلال ښاروالۍ لوبډلې په اتلولۍ پای ته ورسېدې.
د دغو سیالیو په پایلوبه کې استقلال ښاروالۍ لوبډلې خپلې سیالې بلخاب ولسوالۍ لوبډلې ته د ۳۱/ ۱۴ امتیازونو په توپیر ماتې ورکړه او اتلولي یې خپله کړه.
د سیالیو په پای کې د ورزش مسوولینو له لوري غوره لوبډلې او لوبغاړو ته چمتو شوې ډالۍ ورکړل شوې.
