سرپل کې د څلورو لوبډلو ترمنځ د فوټبال سیالۍ د بلغي خاقاني لوبډلې په اتلولۍ پای ته ورسېدې
د سرپل ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت له مرکز او والسوالیو د څلورو لوبډلو ترمنځ د فوټبال دوستانه سیالۍ پای ته ورسېدې، چې یوه ورځ یې دوام وکړ.
د دغو سیالیو په پایلوبه کې بلغي خاقاني لوبډلې خپلې سیالې د جوزجان اتحاد کلب لوبډلې ته د ۲/۱ ګولونو په توپیر ماتې ورکړه او اتلولي یي خپله کړه.
د یادو سیالیو موخه د ورزشکارانو ترمنځ دوستان اړیګي ټینګول و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
