سرپل؛ مرکز کې د ۳۵ ورزشکارانو ترمنځ رزمي سیالۍ ترسره شوې
د سرپل ولایت بدني روزنې او ورزش امریت اړوند د رزمي لوبو فدراسیون داستازولۍ له لوري د یاد ولایت په مرکز ښار کې د ۳۵ ورزشکارانو ترمنځ د رزمي لوبو په کونګفو، کیکبوکس، کیوان کیک بوکسینګ او ازادو سیالیو سبکونو کې رزمي سیالۍ ترسره شوې.
دغه سیالۍ د نوي ځوانانو، ځوانانو او لویو ورزشکارانو په عمري کټګورۍ او بېلا بېلو وزنونو کې د ورزشکارانو ترمنځ ترسره شوې.
د یادو سیالیو موخه د ورزشکارانو ترمنځ یووالی رامنځته کول او د غوره لوبغاړو موندل و.
د سیالیو په پای کې د سرپل ولایت ورزشي امریت له لوري غوره ورزشکارانو ته چمتو شوې ډالۍ ورکړل شوې.
