زابل؛ په قلات ښار کې د ۵۰ پهلوانانو ترمنځ د سيمه ييزې غېږ نيونې سيالۍ ترسره شوې
د زابل ولايت د بدني روزنې او ورزش آمريت له لوري د مرکز قلات ښار په مرکزي پارک کې د ۵۰ پهلوانانو ترمنځ د غېږ نيونې سيالۍ ترسره شوې.
په دغو سياليو کې د سيخاک، بازار او ميزاني ولسوالۍ ورزشکارانو گډون کړی وو، چې په پايله کې د ميزاني ولسوالۍ ورزشکارانو په بريا پای ته ورسېدې.
د يادونې وړ ده، چې د دغو سياليو په پای کې د ياد ولايت د ورزش امريت له لوري غوره پهلوانانو او سيمه ييزو مشرانو ته ستاينليکونه ورکړل شول.
