زابل؛ په شاجوی ولسوالۍ کې د ۵۰ تنو ورزشکارانو ترمنځ فولرزم سيالۍ ترسره شوې
زابل ولايت د بدني روزنې او ورزش امريت اړوند د فولرزم فدراسيون د استازولۍ له لوري د ياد ولايت په شاجوی ولسوالۍ کې د څلورو کلبونو د ۵۰ تنو ورزشکارانو ترمنځ د نويو ځوانانو او ځوانانو په عمري کټگوريو کې د فولرزم سيالۍ ترسره شوې.
په دغو سياليو کې د عبدالغفور، نادر خان، عبدالشکور او روزي محمد کلبونو ورزشکارانو گډون کړی وو، چې په پايله کې د استاد نادر خان کلب ورزشکارانو لومړی مقام خپل کړ.
د یادولو وړ ده، چې د يادو سياليو د ترسره کېدو موخه د فولرزم ورزش وده ورکول و، چې يوه ورځ يې دوام وکړ.
