زابل؛ په شاجوی ولسوالۍ کې د ۴۵ ورزشکارانو ترمنځ د ځغاستې سيالۍ ترسره شوې
د زابل ولايت د بدني روزنې او ورزش آمريت اړوند د اتلتيک ملي فدراسيون د استازولۍ له لوري د شاجوی ولسوالۍ په خاکي سيمه کې د ۴۵ ورزشکارانو ترمنځ سيمه ييزو لوبو ته د ودې ورکولو او پرمختگ په موخه د ځغاستې سيالۍ ترسره شوې.
دغه سیالۍ چې يوه ورځ يې دوام وکړ، په پايله کې جميل احمد لومړی، ولي الله دويم او محب الله بيا درېيم مقام ترلاسه کړ.
د يادولو وړ ده، چې د دغو سياليو په پای کې د ياد ولايت د ورزش امريت له لوري غوره ورزشکارانو ته ستاينليکونه او چمتو شوې ډالۍ ورکړل شوې.
