زابل؛ په شاجوی ولسوالۍ کې د ۲۰۰ زرو افغانیو په ارزښت د فیروزي په نوم کلب پرانېستل شو
د زابل ولایت په شاجوی ولسوالۍ کې د ۲۰۰ زرو افغانیو په ارزښت د واکو کیک بوکسېنګ او کیک جستو ورزشي برخې نوی کلب پرانېستل شو.
یاد کلب چې فیروزي نومېږي، د پرانېستې پر مهال یې د زابل ولایت د بدني روزنې او ورزش آمریت مسوولینو، د ورزش برخې استادانو او قومي مشرانو ګډون درلود.
دغه ورزشي کلب پر یوه وخت د ۵۰ تنو ورزشکارانو د تمریناتو ظرفیت او توانایي لري.
د دغه کلب مسوول استاد احمد غلامي د پرانېستې په یادو مراسمو کې ټینګار وکړ، چې موخه یې ورزشکارانو ته خدمت او د واکو کیک بوکسېنګ او کیک جستو ورزشي برخو پیاوړي کول دي.
