زابل؛ په شاجوی ولسوالۍکې د ۳۸ ورزشکارانو ترمنځ د کراټې سیالۍ ترسره شوې
د زابل ولایت د بدني روزنې او ورزش امریت اړوند د کراټې فدراسیون د استازولي له لوري د ياد ولايت په شاجوی ولسوالۍکې د دوو کلبونو د ۳۸ ورزشکارانو ترمنځ د نويوځوانانو ، ځوانانو او لویانو په عمري کټګوریو کې د کراټې سیالۍ ترسره شوې.
دغه سيالۍ د استاد موسی خان او استاد عصمت الله دکلبونو ورزشکارانو ترمنځ ترسره شوه، چې په پايله کې د استاد موسی خان د کلب ورزشکارانو بريا خپله کړه.
دا سیالۍ دکراټې ورزش ته د ودې ورکولو په موخه ترسره شوې، چې دوې ورځې دوام وکړ.
