زابل؛ په شاجوی ولسوالي کې د ۴۵ ورزشکارانو تر منځ دفول رزم سیالۍ تر سره شوې
د زابل ولایت د بدني روزنې او ورزش امريت اړوند د فول رزم فدراسيون د استازولۍ له لوري د ياد ولايت په شاجوی ولسوالۍ کې د درې کلبونو د ۴۵ ورزشکارانو ترمنځ د نويو ځوانانو او ځوانانو په عمري کټګوريو کې د فول رزم سيالۍ ترسره شوې.
دغه سيالۍ، د استاد عبدالله، استاد نادرخان او استاد مختار د کلبونو ورړزشکارانو ترمنځ ترسره شوې، چې په پايله کې د استاد نادرخان کلب ورزشکارانو لومړی او د استاد عبدالله کلب ورزشکارانو دوهم مقام ترلاسه کړ.
د يادو سياليو موخه د فول رزم ورزش ته وده ورکول وو، چې دوه ورځې دوام وکړ او په پای کې غوره ورزشکارانو ته ستاينليکونه ورکول شول.
